خطأ سامسونج

الكاتب: izumi motso JB منذ 70يوم

بسم الله الرحمن الرحيم
أجد خطأ سامسونج الوحيد، ليس انها فجرت الناس بسبب بطارية هاتفها
وإنما خطأها انها وقعت في مصيدة الطمع والجشع ولم تستمع لعشاقها
وإنما بذرت أموالها في سبيل ان تجلب المزيد من العملاء وهم عملاء منافستها شركة أبل
لا اقصد الإهانة لكن شركة أبل نجحت في تجميع جمهور غير تقني يصفق لها مهما فعلت
بنسبه للي يقول لا تهمني الأرقام والشركة تعرف وش احتاج
والشركة وش دخلها في احتياجاتك المفروض تضع الي عندها من تقنيات
دعونا لا نتعمق في مسالة الاحتياجات المفروض كل واحد عقله في راسه يعرف خلاصه
لكن أكثر شيء الصراحة يستفزني في شركة ابل هي سعر أجهزتها
فعندما رأيت فيديو مؤتمر ابل وانا اضحك في السخافة الي قاعدين يقولونها
لاحظة ان الجمهور صفق لكل شيء إلا ساعة الي قال سعر الجهاز كأنما يقولون له وين رايح انت هيهه
وهو 600 دولار امريكي أي ما يقارب 2250 ريال سعودي واضف لها جشع الموزعين
مثل عندنا جرير واكسترا صار سعره 3000 وفوق
وهذا الي خلاني أكره شركة سوني أيضا
ولا انا لا يهمني مواصفات أجهزتها الضعيفه جدا انا شخصيا لمسكته احسه حقير ولا يستاهل هالتصفيق
ولا نظامها الي لو نسيت كلمة سر حق السوق لازم تدفع فلوس حسب علمي ولا إذا جيت بتنقل ملف لازم تركب ايتونز مدري ايش ولا إذا تبي تغير النغمه لازم مدة معينة وصيغة معينه ولازم بالكمبيوتر وأيضا ايتونز
إذا على كذا الدنيا ما راح تتحرك ولا راح تتطور وبننتظر أبل تنقط لنا على خفيف
لما الأندرويد والتقنيات الي تطلع الي أصلا ابل ركبت منه جهازها الجديد
كان ما وصلنا للي وصلنا له
انا اسف على الإطالة لكني حبيت افضفض

24
أعجبني!

التعليقات (31)


كلام غير منطقي يالطيب ..

وإنما خطأها انها وقعت في مصيدة الطمع والجشع ولم تستمع لعشاقها ..

اي طمع و جشع ولم تسمع لعشاقها ؟!
انت صاحي يالطيب ...

للعلم .. المميزات في سامسونج اكثر وافضل من اللي في ايفون ... وبالعكس السامسونج تراعي عشاقها بعكس الابل . للحين الشاشه اتش دي والمنافسين وصلوا 4K .. والجشع باين بسعر السماعه وكما قيل و قال لغينا منفذ السماعه عشان السماكه .. السماكه مثل ما هوو .!؟
اي طمع ؟ ، سامسونج من ارخص الشركات بالنسبه لمواصفات الاجهزه اللي تقدمها ، لم تستمع لعشاقها ؟ ؟!! من الشركه اللي غيرت التصميم بناء على طلب عشاقها ؟ سامسونج ، من الشركه اللي اعادة بطاقة الذاكره بطلب عشاقها ؟ سامسونج ، من الشركه اللي زادة حجم البطاريه بناء على طلب عشاقها ؟ سامسونج ، واخيرا من الشركه اللي خففت من واجهتها بطلب عشاقها ؟ اكيد سامسونج .
فكر بكلامك مره ثانيه
اكيد يالطيب
هواتف سامسونج اكثر ميزات
وخصوصا شاشاتها لا يعلى عليها
لكن القصد هنا من الناحية التسويقية
وليس لأني اذم اجهزتها
السامسونج لم تخطئ وهيء صارلها زمن وقرن تنزل هواتف من s1 لين s7 و note1لين note5 وما صارت مشاكل .. ولا خطا ؟!

الا هالمره والوحيده صار خلل و عيب مصنعي فقط ؟!
مشكله سامسونج انها تريد وضع كل شي قي جهازها
بطاريه ظخمه .شاشة منحنية .دقه 2k . قلم . ذاكره خارجيه . شريحتين . اسرع معالج . 4 جيجا رام .تصميم من الزجاج .كمرى عاليه الدقة . مقاومة الماء والغبار
يخي ما خلو شي فاعتقد عشان كذا سبب زحمه داخل الجهاز وحصلت حرائق

الطمع ماهو زين يخي تقتدي بآبل
اكثر جهاز انباع حتي نهايه 2015 هو ايفون 6 مع ان الرام 1 جيجا والبطاريه متواضعه وسعره غالي مع ذالك حققت مبيعات
سبق وحصل عيب مصعني في الاس 3 في النسخ الاولية بسبب مشكلة الموت المفاجى للجهاز وسامسونج طالبت بارجاع الاجهزة واستبدالها وتم حل المشكلة فورا ولم تحدث هذه الضجة الا مع خلل النوت 7
على مأظن و متأكد بانه .. عمل متعمد من المنافسين و غيره و حقد من تفوق السامسونج ..

وكل الاجهزه اللي احترقوا ترى كلها من الولايات المتحده فقط وقليل من خارجه ...

على مأظن فهمتوا من المقصود ( بفاعل )
ايفون 7 العادي مافيه شئ مميز 256 قيقا ب 3899 !
مافيه كمرتين خلفية ولا 3 رام ماعرف على ايش هالسعر
هذا سعر البلس مو العادي
سعر ايفون 7 العادي 256 قيقا 3400 ريال
شوف سوق كوم الاسعار دايم غير عن المؤتمر
للعلم هذا مو كلام صاحب الموضوع
اذا من حكيكم صارت الشغله دولية ههههه يعني ممكن راح تصير حرب بين كوريا وامريكا هههههخ
مشكلة سامسنج بدة من العام الماضي لمن الغة مكان الذاكره الخارجيه ورجعة اضافتها في هواتف السنه هاذي بس الله حطها في وجهها ههههههههه هاذا الغش والعب علا الناس يحسبون الله غافل وجتهم السنه هاذي الطامه الكبرا واعتقد انه ماعد رح ترجع سمعة سامسنج في الجوالات مثل اول وانا السنه هاذي اشترية اس7 ولله يستر لا ينفجر مثل النوت ادعو انه الله يستر علا جوالاتنا الاس 7 من الانفجار
القهر يوم تشوف oneplus 3 ارخص من النوت ومواصفاته رهيبه حتى الرام 6 جيجا عكس النوت 4 جيجا
وجهة نظر

لكن اذا علمنا ان هذا أول عيب مصنعي لهواتف سامسونج

وبما اننا عرفنا ردة فعل سامسونج في العيب المصنعي هذا
لو نقارن بس في العيوب المصنعية لبقية شركات الهواتف وكيف تصرف....
هنا راح ترفع قبعتك للشركة للاحترام وعدم تسفيه العميل

أضف الى ذلك
ان سامسونج من ناحية تسويق المنتجات اشوف انها رقم 1

لذلك بتتخطى هذي الازمة
أسرع من آبل يوم قلدت النوت بآيفون 6بلس
وكان الجهاز ينعفط للاسف


وللمعلومية شركة آبل بدأت تقتبس مواصفات هواتفها
من شتى المنافسين المشهورين وغيرهم
ومن اصدار ايفون 6S وايفون 7
توقفت عن الابتكار
اجد انا الجميع ركز على اول سطر وهو انفجار هاتفها ولم يركزو على لماذا سامسونج تركز على مايريده مستخدمي ابل
ترا سامسونج او ابل شركات ملياردرية وعندها بنوك ماراح تتأثر من اول خطأ فلاحد يقلق عليها ترا هي وحش سامسونج
مثل ما ابل تخطة سالفة ان الجهاز ينعطب بشكل كامل وعادي رجعة تصنع هواتف
كلهم عندهم فكرة انهم في اي لحظة راح يخطاؤون في هاتف ويخسرون مليارات ترا عادي
وايضا سامسونج علشان تبين اعترافها بالخطأ ارسلت تحديث ينقذ المستخدمين الي ما استبدلوه عندها وتعطيهم الي محسن بطاريته
في انتظار mate 9
شركة سامسونج تستحق الثناء في تطور عالم الجوالات ...?!
ألا يكفيكم هذا ...
تحية لها ولعشاقها...
صحيح
وهاذا كلام كل التقنيين العرب والأجانب
لو حدثت هذه المشكله لاجهزه ايفون فان ابل لايهمها مايصيب زبائنها لانها تعلم انهم متبيعها بدون نظر ..لاكن سامسونك،تقدر الزبون في جميع النواحي وهذه المبادره في تبديل الهواتف جيده جدا وزادت من شعبيه الشركه .
سامسونج مبدعة ولكنها طمعة وهذا جزاها
اا اوافقك بالراي حيث ةن سامسونج وليس فقط سامسونج تبحث عن نا هو جديد وفريد لإرضاء زبائنها لكن ابل تصنع نفس الشكل وتقول اسرع 40% دون اىقام او انواع او حقائق ..الخ من الحيل والخداع!
النوت قطره من بحر من منتجاتها يالربع ثلاجات مكيفات مكانس كمبيوترات سماعات اكسسوارات نشافات .....الخ والنوت نقطه من بحر بالنسبه لهم
Galaxy S8 قادم

أستطيع أن أشبه الارقام المبالغ فيها في أجهزة سامسونج بالواتساب في الأجهزة الصينية من برى تشوفه احلى ايقونه وتحته كلمة واتساب واذا فتحته تحصله مجرد صورة وليس تطبيق
كلام ينبع عن جهل في عتاد الأجهزة
مع احترامي لك وما تقدمه
الي يشوف احين شركة ابل الي يا الله قفزات
كلا نسمع تحسيين تحسيين ولا في اشياء ملموسه
من قوة ووحشية شركة سامسونج
فنحن نتوقع منها الكثير
اما شركة اللص الشركات فنتوقع منها التغيير فقط
كلامك صحيح ما عدا كلامك عن سامسونج
أفضل شركة تتطور نظام الاندرويد و أبل مقتبس من واجهة و مميزات السفتويز من سامسونج
مواصفات قوية تصميم جميل شركة تحترم العملاء و سعر يستحق أجهزتها
مع اني من عشاق سوني
كلامك جدا صحيح
سامسونج ابدعة في هواتفها وخصوصا النوت ٧
لكني كلامي عن حركاتها مع عملاء ابل
حيث انه عملائها التقنيين ينتظرون مدة عشان بس يجيهم الجهاز
اما متابعين تقنية ابل رحله مدفوعة التكاليف بعد وتدلع فيهم عشان يمدحونها
انا وصلت لنتيجه من زمان وهي ان من يشترون جهاز اي فون يشترونه فقط لأنه ماركه وليس لهم ادنى علم بالتكنلوجيا ولا يعرفون عنها شئ